Ngiga Jalai Pengidup

Aku asal tauka datai ari menoa Undop, Batu Lintang. Pejalai ngau cara pengidup aku nak sebaka ngau orang bukai dibesai ka oleh apai indai ari pengidup ti cukup merinsa jarang nemu penyenang pengidup maia agi mit, baik ka maia sekula suba. Laban maia ti sekula, aku selalu disuruh bala apai indai badu. Kebuah pia laban apai indai nak ulih melanja agi taja ati majak keran ka bersekula. Udah aku abis peresa LCE di SMK Melugu aku nyambung pelajar Form 4 di SMK Simanggang aku kala nak nurun sekula ukai ketegal ngai bersekula tang meh laban penyempit pengidup enda ulih tusi. Tembu Form 5, aku nguji ngemanjai ka kaki alu minta nyambung sekula ba ITM, sekali agi maia nya taja aku di terima masuk ITM Shah Alam tang meh apai indai enda setuju. Lalu puntan meh jalai pengawa aku ka besekula tang kati ko ngau deh.

Maia nya nadai bisi kaban ti ngulur tauka meri jako perangsang ngiga cara baka nie ka mutar ke penganggul baka nya laban pengidup maia nya mina di rumah panjai. Nya alai ngagai bala kaban raban kitai bangsa ti bisi maca tu. Aku ngelalau bala kita enti sema raban kitai bangsa ti bisi penemu, bisi pemandai anang neju, anang ngelak bala kaban kita bangsa ti idup miskin, ti enda ulih melanja anak sidak bersekula lalu disuruh apai indai badu besekula setengah jalai. Tua tau ngemujor, nulong mantu ngena perangsang, ngena penemu ngajar dikena ngemutar. Diatu maioh cara tua ulih ngemaju ke diri dalam sekula tang jalai tusah mimit. Nyadi baka bala raban bangsa kitai ti udah maju, udah jauh ngingkang dalam pengidup enda meh tusah ngemaju ke anak besekula. Minta bantu baka Scholarship baka ari Yayasan Sarawak, SPA Negeri, PTPTN ngau cara bukai mega.

Aku nemu maioh raban kita bangsa lebih agik bala kaban kitai ti diau ba rumah panjai badu besekula ketegal penusah dalam pengidup nya alai tusah ka mutar ke penusahnya. Ukai ketinggal kita bangsa nadai pemandai leboh sekula tang peluang ka besekula ti tinggi baka ngagai Universiti nak ka datai ba pengidup orang ti miskin. Nya alai ka masuk ngagai Universiti di Malaysia, dipelaba ke aku nak kurang ari RM3,000- RM4,000 (dikena maia register ajak) tahun keterubah. Ketegal nya tadi maioh apai indai kitai bangsa enda sanggup ngajong anak bersekula ngagai sekula baka ngagai Universiti.Enti di sebut duit beribu ba orang rumah panjai tusah ka ngiga duit ngemaioh nya. (minta ampun meh aku ukai ka ngemaroh ka raban bangsa kita) diatu maioh orang di rumah panjai nyau mansang serta maju dalam pengidup laban nanggal getah ngau sawit.Enti sema "trend" pengidup masih baka tu sampai kemaia raban kitai bangsa ulih duduk sama baroh, bediri sama tinggi ngau bangsa bukai deh?. Nya alai ulih ke nak julok ati bala akih kitai "tercapai" siti rumah panjai sekurang-kurang siko kitai bangsa graduate ari Universiti. Sapa orang ti ulih berati, ulih nolong bangsa kitai? Arap kaban, raban bangsa kitai ti bisi kuasa serta ti bisi pangkat ulih meda raban kita bangsa lalu ngemutar lalu nolong nubah nasib kitai bangsa.

Pulai ngagai cerita tadi, abis Form 5 aku nguji bekuli baka raban kitai maioh sebelah kedai cina, kilang nyikap diri ari penemu baka cara berkerja, penemu kerja, bergulai ngau bangsa bukai. Aku kala mega bekerja nyadi kuli bekerja di Brunei tang meh nak lama. Ila aku nyambung baru laban maioh perkara tau nyadi ke teladan serta diperjurai ka ulih bala ke maca pekara ti ditulis aku tu