KUASA - (VERSI IBAN)

JAKO PENERANG Konsep kuasa nya siti bidang ti amat beguna ba pekara pansik tauka ka ba senentang Politik lalu Kuasa mega bisi bekaul ngau pengawa ti digaga dalam politik tauka pejalai politik tiap hari. Jako sema bakani bulih kuasa tauka dini ngulih ka kuasa serta bakani bekena ka kuasa ngambi ke juluk ati tau ulih tauka utai dikedeka ulih empu tauka di pengie. Ba senentang pansik ka bekaul ngau kuasa, konsep kuasa tu amat tusah ka disimpul ngau jako pandak laban balat endar dipejurai tauka dipetalat ka. Tang taja pia, kuasa tu ulih di asai kitai mensia enti maia bisi pekara tauka utai ka nyadi ke bekaul ngau kuasa. Nyadi kuasa selalu ia bisi bekait ngau bala Perintah, Raja tauka Tuhan, nya meh kebuah kuasa itu amat beguna kelebih agi ba pengawa bekaul ngau politik baik ke politik dalam kandang menoa kitai tauka menoa bukai. RETI KUASA Kuasa tau disebut kitai ia nya pengelebih tauka pengelebih ti bisi dikembuan perintah. Ia dikumbai siti pengelebih dikena ngemutar ka penyarut tauka penusah ka bisi nuntung, lalu dikena ngerengkun mensia ngambika mensia tau takluk. Kuasa reti nya pengaruh, bercorak kawalan lalu dikena ngambika rakyat nitihka, enti sema kuasa dikena enggau engkeman ia ulih nyengkam pendiau pengidup orang. David Easton madah nya ka kuasa ia pengelebih ke bisi dikembuan siko-siko mensia tauka gerempung lalu pengelebih nya dikena sidak nyengkam orang bukai tauka gerempung ngambika ka nitihka tauka takluk ngagai orang ke bisi ngembuan kuasa. Selalu ia orang ke ngembuan kuasa ia nya bala ke megai perintah menoa Tauka ka kuasa dikena orang mejal orang bukai ngereja pengawa dikena ngulih ka juluk ati nitihka ke peneka orang ke ngasuh taja kadang dibantah.