RETI SAINS POLITIK - VERSI IBAN

Sains politik, datai ari dua iti leka jako lalu kedua dua leka jako nya mai reti (maksud) ia empu. Sains dikumbai penemu (Ilmu) ke dipelajar, penemu ke dipansik ngengah cara Saintifik. Pansik ke digaga serta dibantai (dibuktikan) udah nya dikena serta diuji ba pengawa ti amat amat nyadi dalam jalai pengidup kitai mensia. Asil ari penemu ti pansik manah serta betul nya tadi ukai semina diguna tang mega diterima org maioh dalam nentu peragam (Teori)ke bekait ngau politik. Ba senentang Sains Politik, ia lebih numpu ka pansik ke bekalit ngau penemu politik, lalu ketebal agik mansik pengawa ke bekaul orang ke merintah menoa, (Pemerintahan) serta mansik bakani perintah ulih nitih ke (dipengaruhi penemu siko mensia tauka Gerempung (Kumpulan) ngambika Perintah mending tauka nitih pengawa ti dikedeka(memenuhi) sidak ngambi penanggul rakyat tau ulih diputar. Pansik Sains Politik ukai semina ba senentang pengidup mensia ke bepolitik tang ia nyekaum pengawa bukai, perangai serta adat ke dikembuan mensia. Sekeda bidang bukai ke bekaul ti dipansik baka 1. Falsafah ngau Teori Politik 2. Politik ngau Kerajaan Kebangsaan 3. Pentadbiran Awam ngau Dasar Awam 4. Politik Petbandingan 5. Hubungan Antarabangsa 6. Sosiopolitik ngau Kebudayaan Politik 7. Institusi-Institusi Politik 8. Pengundian ngau Pendapat Awam 9. Pembangunan Politik POLITIK IA NYA MENALAN (INSTITUSI) PERINTAH Kemaia hari diatu tangkup pengawa ti dipejalai ka Perintah bekait rapat ngau Politik. Ahli Sains Politik Tradisional orang ken emu ngaga pansik ba senentang pansik poltik, nya alai tebal agi pansik numpu pekara bekaul ngau Perintah, Perundangan enggau Institusi-Institusi baka Majlis Perwakilan, Pentadbiran Awam serta Kehakiman. Kelimpah arinya mega bisi sekeda pansik baka Parlimen, Kabinet ngau badan-badan awam bukai nitih ke dalam Perlembagaan dan undang-undang. Tuju pansik digaga ngambika meda pekara ti nyadi dalam dunia politik enggau ke nemu nyau silik pekara ke digaga mensia dalam politik. Sebengkah agi pansik ti kala digaga ia nya bekaul ngau langkan (corak), tangkup pengawa ti dipejalaika, kerja rasmi setiap struktur lalu nerang ka ripih (struktur) politik serta perkara ti patut digaga ba mensia maioh serta lalu nda masik proses enggau ulah dalam politik. POLITIK JAMBATAN KUASA Kuasa sigi selalu nyadi ke jako tanya dalam politik ti lama udah nyadi dalam pendiau pengidup kitai mensia. Nyau ka semua ahli teori Sains Politik besetuju Poltik, ia nya pengawa ba kitai mensia ke bekait ngau kuasa. Cara bakani kuasa sama dikunsi enggau orang bukai baka bala Penyertaan dan Perwakilan lalu bakani kuasa dipengaruhi ulih pemansang enggau perubahan. Nith ke penemu Harold Laawell ia madah “tentang sapa ti bulih, kemaia bulih ngau bakani bulih, lalu dalam halnya ia madah utai ke bekaul ngau kuasa perkara ti diperatika.